Meeqqat atuarfianni ilinniartitsisussanik ilinniartitsineq pillugu Inatsisartut peqqussutaata allanngortinneqarneranik Inatsisartut peqqussutaat nr. 2, 31. maj 2001-imeersoq. (Ilinniakkamik aallartitsinissamut piumasaqaatit il.il.)
Meeqqat atuarfianni ilinniartitsisussanik ilinniartitsineq pillugu Inatsisartut peqqussutaanni nr. 2-mi 2. maj 1996-imi makku allanngortinneqassapput:
§ 1.
1. § 2, imm. 2-3 ima oqaasertalerneqassapput:
"Imm. 2. Qinnuteqartut allamik naleqquttumik ilinniagaqarsimasut tiguneqarsinnaapput.
Imm. 3. Ilinniarfiup pisortaata aalajangissavaa qinnuteqartut kikkut qitiusumik ilinniatitsisunngorniarfimmi ilinniartunngorsinnaanersut."2. § 3 ima oqaasertalerneqassaaq:
"§ 3. Ilinniartitsisussatut ilinniarnissamut siammartitamut ilinniartunngortitaanerup tunngavissarai:
1) qinnuteqartut ilinniarnertuunngorniarfimmi atuarsimanissaat imaluunniit ilinniakkamik tassunga assingusumik ilinniarsimanissaat,
2) qinnuteqartut 45-nik ukioqalersimannginnissaat
3) qinnuteqartup sivikinnerpaamik ukiuni tallimani inuussutissarsiummik suliffeqarsimanissaa
4) qinnuteqartoq pilersuisuussasoq angerlarsimaffimminik qimatsinissaanut ajornakusuulersitsisumik, aamma
5) qinnuteqartup ilinniarnermi nalaani meeqqat atuarfianni timelæreritut atorfeqarnissani qularnaarsimassagaa.
Imm. 2. Qinnuteqartoq allamik naleqquttumik ilinniagaqarsimasoq imm. 1-imi, nr. 2-5 piumasaqaatinik naammassinnissimaguni ilinniartunngorsinnaavoq.
Imm. 3. Ilinniarfiup pisortaata aalajangissavaa qinnuteqartut kikkut ilinniartitsisussatut ilinniarnissamut siammartitamut ilinniartunngorsinnaanersut.
Imm. 4. Ilinniarfiup pisortaa qanoq ukioqartussaanermut piumasaqaatinut tunngatillugu immikkut akuersissuteqarsinnaavoq, takuuk § 3, imm. 1, nr. 2."3. § 10 -mi imm. 2-tut ikkunneqassaaq:
"Imm. 2. Naalakkersuisut ilinniartitaanerup ilusaa aaqqissuussaaneralu pillugit malittarisassanik aalajangersaassapput."
§ 2.
Inatsisartut peqqussutaat 1. juni 2001 atuutilerpoq.
Namminersornerullutik Oqartussat, ulloq 31. maj 2001
Jonathan Motzfeldt/
Lise Lennert